ဂျပန်ရှိဂျပန်စာကျောင်းများသို့ပညာသင်သွားရောက်ခြင်း

ဂျပန်ရှိဂျပန်စာကျောင်းတွင် ပုဂ္ဂလိကကျောင်းများနှင့်တက္ကသိုလ်မှပူးတွဲဖွင့်လှစ်ထားသောဂျပန်စာအကြိုကျောင်းဟူ၍ ၂ မျိုးရှိပါသည်။
ပုံမှန်ပုဂ္ဂလိကဂျပန်စာကျောင်းများမှာ ဂျပန်စာတစ်ခုတည်းသာလျှင်သင်ယူနိုင်ပြီး ကျောင်းပြီးလျှင်တက္ကသိုလ်ကောလိပ်များသို့ ဆက်လက်တက်ရောက်စေလိုသောရည်ရွက်ချက်သင်ရိုးဖြစ်သည်။ဂျပန်စာအကြိုကျောင်းများတွင်မူပူးတွဲဖွင့်လှစ်ထားသောတက္ကသိုလ်ဝင်ခွင့်အတွက်ထောက်ခံပေးခြင်းများဆောင်ရွက်ပေးပါသည်။

ကိုယ့်ရည်မှန်းချက်ဖြင့်ကိုက်ညီမည့်ကျောင်းကိုသေချာရွေးချယ်ကြပါစို့

တဖန် ဂျပန်ရှိဂျပန်စာကျောင်းများသို့ပညာသင်သွားရောက်ခြင်းဖြင့် တက္ကသိုလ်ကောလိပ်များသို့မတက်ရောက်ခင် ဂျပန်စာကျွမ်းကျင်မှုနှင့်ပတ်ဝန်းကျင်နေသားကျမှုကို အချိန်ယူပြင်ဆင်နိုင်ခြင်း၊ ဂျပန်၏သတင်းအချက်အလက်များကိုစုဆောင်းနိုင်ခြင်း၊ တက္ကသိုလ်ကောလိပ်ဝင်ခွင့်စာမေးပွဲများအတွက်ပြင်ဆင်ရင်း မိမိစိတ်ကြိုက်ကျောင်းများကိုရွေးချယ်လျှောက်ထားနိုင်ခြင်း စသည့်အားသာချက်များရရှိနိုင်ပါသည်။
သို့သော်လည်း တဖက်တွင်ဂျပန်စာကျောင်းလခအတွက် (၂)နှစ်စာယန်းသောင်း ၁၂၀ ခန့်၊ (၁)နှစ်စာယန်းသောင်း ၈၀ ခန့်ကုန်ကျမည်ဖြစ်သောကြောင့် တက္ကသိုလ်ကောလိပ်များသို့ဆက်လက်တက်ရောက်ရန်ရည်ရွယ်ထားပါက ကျောင်းလခအများအပြားကုန်ကျစေမည်ဖြစ်သည်။
ထို့ကြောင့် ဂျပန်သို့ပညာသင်သွားရောက်မည်ဆိုပါက သေချာတိကျသောရည်မှန်းချက် PLAN ကိုကြိုတင်ချမှတ်ထားရန်လိုအပ်ပါသည်။ အရင်ဆုံးဂျပန်စာကျောင်းသို့ပညာသင်သွားရောက်မည်ဆိုလျှင်ပင် ဂျပန်စာအရည်အချင်းအနည်းဆုံး N4 လောက်အောင်ထားပြီးမှသွားသင့်ပါသည်။

သတိပြုစရာအချက်များ

ယခုနောက်ပိုင်းဂျပန်ရှိဂျပန်စာကျောင်းများသို့ ပညာသင်သွားလိုသောကျောင်းသားများကြားတွင် ကျောင်းဝင်ခွင့်အတွက်စာရွက်စာတန်းအတုပြုလုပ်ခြင်း၊ အချိန်ပိုင်းအလုပ်ဖြင့်ငွေရှာရန်အတွက်သာဦးတည်၍သွားခြင်း စသည့်ပြသနာများပေါ်ပေါက်လျှက်ရှိသည်။

ကျောင်းဝင်ခွင့်အတွက်စာရွက်စာတန်းအတုဖြင့်လျှောက်လွှာတင်ပါက အတုမှန်းသိလျှင် ချက်ချင်းပြည်ဝင်ခွင်ပိတ်ပင်ခံရမည်ဖြစ်ပြီး နောက်ပိုင်းတွင်လည်းဘာအကြောင်းကိစ္စဖြင့်ဖြစ်စေ ပြည်ဝင်ခွင့်ရဖို့မသေချာတော့ပါ။

ထို့ပြင် မြန်မာပြည်တွင်းရှိအချို့သောဂျပန်စာကျောင်းများကိုယ်တိုင်မှလည်း စာရွက်စာတန်းအတုပြုလုပ်ပေးခြင်းများရှိနေသဖြင့် အထူးသတိထားစေလိုပါသည်။ ကိုယ်တိုင်နစ်နာမည်ဖြစ်သောကြောင့် မည်သည့်အရာမှအတုမပြုလုပ်ပါနှင့်။

ဂျပန်တွင် နိုင်ငံခြားသားပညာသင်ကျောင်းသားများအတွက် တရားဝင်အချိန်ပိုင်းအလုပ်လုပ်ခွင့်ကို တစ်ပတ်လျှင်(၂၈)နာရီ၊ နွေရာသီပိတ်ရက် စသောပိတ်ရက်ရှည်အချိန်များတွင် တစ်ပတ်လျှင်နာရီ(၄၀) သတ်မှတ်ထားပါသည်။ သတ်မှတ်အချိန်ထက်ကျော်လွန်၍အလုပ်လုပ်ခြင်းပေါ်ပါက တိုင်းပြည်ကိုပြန်ခိုင်းခြင်းခံရပါမည်။

၂၀၁၇ မှစ၍ဂျပန်တွင် My Number ဟုခေါ်သောစနစ်ကို စတင်ကျင့်သုံးနေပြီဖြစ်ပါသည်။ My Number စနစ်တွင်ကျောင်းသားများအတွက်လည်း Number တစ်ခုစီရရှိမည်ဖြစ်ပြီး၎င်း Number ဖြင့် ကျောင်းသား၏အလုပ်၊လစာအချက်အလက်စသည်တို့ကိုဂျပန်အစိုးရမှထိန်းချုပ်ထားမည်ဖြစ်သည်။

အချိန်ပိုင်းအလုပ်ဖြင့်ကျောင်းလခ၊ နေထိုင်စာသောက်စရိတ်အားလုံးကိုရှာဖွေနိုင်ရန်မှာ ယခုနောက်ပိုင်းတွင်မဖြစ်နိုင်တော့ပေ၊ ထို့ကြောင့် ဂျပန်သို့ပညာသင်သွားမည်ဟုရည်ရွယ်ထားပါက အချိန်ပိုင်းအလုပ်ကိစ္စကိုအရင်ထည့်သွင်းမစဉ်းစားဘဲ မိဘမှထောက်ပံ့ပေးနိုင်မည့်ငွေကြေးပမာဏအပေါ်မူတည်၍ သေချာ PLAN ချမှတ်ထားရန်လိုအပ်သည်။

ဂျပန်သွားမည်ဆိုလျှင် ဂျပန်၏စည်းမျဉ်းဥပဒေများကို ယခုကတည်းကလိုက်နာနိုင်ရန်စဉ်းစားထားကြပါစို့